🎉 Get latest offers and news by subscribing to our newsletter

خدمة عملاء اسوس مصر

Special Offers

New Arrival

خدمة عملاء اسوس مصر

ASUS    جاي أتكلم شويه عن الضمان ومراكز الخدمة والضمان المثالي الخاص ب
علشان انا شوفت كذا حد بيتكلم وبيقول معلومات مش صح عن الضمان والوكيل وقطع الغيار ف خليني أوضح لك كام نقطه.
بالنسبه لمراكز الخدمه ف أحنا عندنا شركتين مسؤلين عن صيانة الاجهزه بشكل رسمي في مصر:

خدمة عملاء اسوس مصر

تقدر توصل لكل الداتا دي عن طريق موقع ASUS الرسمي من هنا : 
ENSURE     اول شركه هي شركه    
ودي كل تفاصيلهم بأرقام التليفون
مدينة نصر
العنوان: 12 ب شارع محمد كامل الحارونى متفرع من أحمد فخري خلف حديقة الطفل
هاتف: 01152277700/01153113110/01153113111
بريد الكتروني: support.egypt@ensureservices.com
المهندسين:
11 شارع اسراء المهندسين من شارع السودان بجوار سفاره الكاميرون الدور الأول.
-الاسكندرية
العنوان :37 شارع إسماعيل سري خلف مدرسة زهران – سموحة الدور الأول.
البستان مول
العنوان: وسط البلد – مول البستان – الدور التاسع

RAYA تاني شركه هي شركه 

دا الفرع الرئيسي : 1ش عبد الحميد لطفى متفرع من ش مكرم عبيد, الحى الثامن, مدينة نصر, القاهرة .
و تقدر توصل ليهم علي رقم الموبايل : 19900 علشان تقدر توصل لاي فرع تاني بيبقبل صيانه لاب توب لان في فروع شغاله صيانه موبايلات , وحاجات تانيه .
دي بالنسبة لمراكز الخدمه المعتمده الخاصه بأسوس .
نيجي لحته توافر قطع الغيار علشان دي فيها كلام كتير مش مظبوط . خلينا متفقين ان الوكيل انشور و رايه هما نفس الوكلا لمعظم براندات اللاب توب في مصر . ف بالتالي طالما قطع غيار باقي البراندات موجوده فقطع غيار اسوس موجوده لانه كله بيجي من نفس المصدر ف الاخر .
تاني حاجه انك لو اشتريت لاب توب قريب هتلاقي عليه ستيكر بيقول ان معانا عمر افتراضي للاب توب لمده 3 سنين هل دي معناها ان اللاب توب هيعيش 3 سنين بس بعدين يبوظ ؟ أكيد لا . الاستيكر دا دلوقتي بقي إلزامي من الدولة و دا بيجبر الوكيل ان بعد انتهاء فتره الضمان اللي هي سنتين الوكيل ملزم انه يوفر لك قطع الغيار لمده سنه كمان بيبقي معاك سنتين ضمان و سنه توفير قطع غيار.
حاجه كمان لو مفيش قطع غيار ASUS هتضمن لك الجهاز ضد سوء الاستخدام مره كل سنه ؟ أكيد لا دا انا صلا معنديش قطع غيار ازاي هقولك اكسر الجهاز و تعالي اصلحهولك ؟ و دا اللي هوضحهولك ف الفقره الجايه الخاصه ب ضمان ASUS المثالي 2 Year Perfect Warranty.
2 Years Perfect Warranty : اسوس بتضمن لك الجهاز سنتين ضد عيوب الصناعه و دا العادي اللي بيتقدم من كل البراندات مع اختلاف المده في براندات بتقدم ضمان سنه و براندات سنتين . لكن الميزه هنا ان كمان سوء الاستخدام برضه مشمول ف الضمان بمعني ان انت لو كسرت الجهاز او اتدلق عليه سائل او حصل فيه مشكله كهربا او أي عطل من أي نوع ف ASUS بتصلح لك الجهاز مره كل سنه ببلاش بدون ما تتحمل أي تكلفه من طرفك و مبتدفعش ولا جنيه في عمليه توفيرقطعه الغيار او تركيبها .
حاجه كمان ان معظم الأجهزة اللي بتشتريها من مصر بتبقي ضمان international بمعني ان انت لو اشتريت الجهاز من مصر تقدر تصلحه في 83 دوله حوالين العالم و تقدر تتأكد من حته الضمان الدولي دي عن طريق خدمه الدعم الخاصه ب ASUS علي الرقم دا : 08000060286
دي كل حاجه عن الوكيل و مراكز الخدمة لو محتاج تسال عن أي حاجه اسال و انا موجود دايماً علشان اساعدك
ومتنساش لو استفدت من البوست تدوس لايك وتعمل منشن لصاحبك اللي كان بيسالك عن مراكز الخدمه و الضمان
SHARE THIS :
BLOG

Related Articles

Leave a Comment

Your email address will not be published.

Shopping Cart